1 | |
HStAOrient5a: 74v Ḫᵛāb‑i ġaflet bize bir taʿbīr olınmaz ḫᵛābdur. [ʿİlm‑i ruqā vü efsūn] ʿİlm‑i ruqā vü efsūn. // Maʿlūm ola ki ʿilm‑i ruqā vü efsūn ʿilm‑i meknūn ve dürr‑i maḫzūndur [!] // ve dükeli rūzgārda der‑kār ve cemīʿ‑i mülkde sütūde vü // nāmdārdur şöhre‑i āfāq ve maqbūl ʿalā l‑ittifāqdur. Zühhād ve // ʿubbād ve ṣavmaʿa‑dārān ve ḥükemāʾ‑i zamān bu ʿilme muʿteqid ve muʿtemidlerdür. // Ṭıbb‑i rūḥānī dėmek ile maʿrūfdur. Ḥikāyet: Cālīnūs ḥekīm bir bīmāra niçe // rūzgār ʿilāc ėdüb ifāqat bulmadı. Cālīnūsa dėdiler ki // filān ṣavmaʿada bir zāhid vardur bīmārlara bir nesne oqur // üfürür ṣıḥḥat bulur. Biz daḫı bīmārlarumuz ol zāhid‑i perhīz‑ // kāra iledelüm‑mi? Cālīnūs eyitdi iledüñ. Fa‑inna ṭibbanā // ilā aṣḥābi l‑hayākili ka‑ṭibbi aṣḥābi ṭ‑ṭuruqāti ilā ṭibbinā. // Yaʿnī bizüm ṭıbbumuz aṣḥāb‑i ṣavmaʿa ṭıbbı qatında rāhdārlar ṭıbbı gibidür. // Bizüm ṭıbbumuz qatında ilā ʿinde maʿnāsınadur. ʿİlm‑i ʿazāyim daḫı buña // mülḥaqdur ve İmām Rāzīnüñ Sırr‑i Mektūm adlu kitābı bu fennde nāfiʿdür. // Ve sāyir kütüb ve resāyiline ṭālib olan vāṣıl olur. Taʿrīfi ẓāhirdür // ve ʿilm‑i mezbūr şerīʿat‑i Muṣṭafāda vardur. ʿĀʾişe rażiya llāhu ʿanhā rivāyet // ėder ki resūlu llāh ṣallā llāhu ʿaleyhi ḥażretlerine ruqādan suʾāl olınub buyurdılar ki lā beʾsdür eger // kitābu llāhdan olursa ve buyurur ki: Lā ruqyata illā min ṯalāṯin mina n‑naẓrati // wa‑l‑ḥummā wa‑l‑ladġati. Yaʿnī ʿillet‑i müşkil ki muḥtāc‑i efsūn ola ʿilel‑i meẕkūredür // [naẓardan ḥāṣıl olan ʿilletdür ve ḥummādan ve yılan ṣoqmaqdan ḥāsıl olan ʿilletdür.] Ve nite‑ki buyurur: |